Nipasidaan ang Philippine Overseas Employment Administration (POEA) sa overseas Filipino workers (OFWs) niadtong Biyernes, Pebrero 18, 2022, batok sa bogus o peke nga tanyag nga trabaho sa Palau.
Sa iyang Advisory 11-2022, ang POEA nagkanayon nga ang publiko kinahanglan nga magbinantayon sa mga tawo mapahimuslanon nga mopasalig sa nindot nga trabaho sa Palau.
“We have received reports that certain individuals and entities have been promising prospective OFWs employment in the Republic of Palau,” matod ni POEA Administrator Bernard Olalia.
“The POEA warns the public to exercise extreme caution in pursuing job applications for employment in Palau in order to avoid falling victim to illegal recruitment and human trafficking schemes,” dason niya.
Sumala sa modus operandi, ang POEA niingon dunay illegal recruiters nga mokonbinser sa OFWs sa pagbayad og US$1,000 alang sa proseso sa peke nga provisional visas, work permits, ug ubang mga dokumento.
Gikompirmar sa Philippine Honorary Consul sa Palau, ang giingong foreign employers/principals ug corresponding job orders wala mo- exist, matod ni Olalia.
Ang POEA nagkanayon nga nakigkoordinar sa diplomatic corps ug law enforcement agencies, samtang nag-imbestigar sa the licensed recruitment agencies bahin sa kalambigitan sa isyu.
“We encourage the public to immediately report any suspicious recruitment activities to the Operations and Surveillance Division via email at osd@poea.gov.ph,” dugang ni Plalia.
Ang labor official nipahinumdom sa publiko nga mohimo transaksiyon sa mga lisensiyado nga ahensiya ug sa ilang duly acknowledged employees.(HDT / SunStar Philippines)