PSAC moabag ni Marcos pagpalambo sa turismo

    ■ PBBM, PSAC MEMBERS: Gikan sa wala, sila si Robinsons Land Corporation Business Development Officer Leslie Vanessa Lim, PSAC Communications Lead Ginggay Hontiveros-Malvar, PSAC Secretariat Lead Gie Polanco, President Ferdinand “Bongbong” Marcos Jr., PSAC Tourism Sector Lead ug Robinsons Land Corporation President and CEO Frederick D. Go, Hertz Philippines CEO Rene Limcaoco ug International Relations Philippine Retailers Association Vice Chairman Roberto Claudio Sr. human sa tigom sa grupo sa Malacañang. / Tampo
■ PBBM, PSAC MEMBERS: Gikan sa wala, sila si Robinsons Land Corporation Business Development Officer Leslie Vanessa Lim, PSAC Communications Lead Ginggay Hontiveros-Malvar, PSAC Secretariat Lead Gie Polanco, President Ferdinand “Bongbong” Marcos Jr., PSAC Tourism Sector Lead ug Robinsons Land Corporation President and CEO Frederick D. Go, Hertz Philippines CEO Rene Limcaoco ug International Relations Philippine Retailers Association Vice Chairman Roberto Claudio Sr. human sa tigom sa grupo sa Malacañang. / Tampo

Uban sa padayong pagluag sa global pandemic restrictions, ang Philippine travel ug tourism industry naninguha nga mosikad og balik.

Kini hinungdan nga niadtong Septiyember 29, si Presidente Ferdinand “Bongbong” Marcos Jr. (PBBM) nakigtagbo sa Private Sector Advisory Council (PSAC) Tourism Sector sa paglatid sa plano alang sa pagpalambo sa globally competitive Philippine tourism industry ug pagsuporta sa minilyon nga Filipinos nga nagtrabaho sa naasoy nga industriya.

Si PBBM maoy niabli sa maong tigom, ug gisundan kini og hamubong pamahayag sa PSAC strategic convenor ug Aboitiz Group President and CEO Sabin Aboitiz, kinsa niapil pinaagi sa virtual call.

Human sa pakigpulong ni Aboitiz, ang pagdumala sa tigom gitunol kang SAC Tourism Sector Lead and Robinsons Land Corporation CEO Frederick Go kinsa nipresentar sa ilang rekomendasyon sa pagpalambo ug pagpalig-on sa tourism industry.

Ang dinaliang kadaugan ug strategic recommendations, mosunod kini sa five-step road map: (1) pagpataas sa international visitation; (2) pagpalig-on sa domestic tourism; (3) pagpalambo sa tourism investments; (4) pagtukod og tourism infrastructure; ug (5) pagpalambo sa national brand ug imahen sa nasod pinaagi sa pagkorehir sa sayop nga pagtuo ug paglambo sa daghang maayong kalidad sa nasod.

Matod ni Go, kini mohatag og pundasyon alang sa long-term tourism ug economic development sa nasod, paghimo sa Pilipinas nga maayong destinasyon sa turismo isip dapit sa mahigalaong Filipinos, uban sa iyang adunahan ug alegre nga kultura ug lamiang pagkaon taliwala sa talagsaong kaanindot sa mga isla ug beaches.

Si PBBM nipadayag nga nibati sa hingpit nga suporta ug nakadawat og igong inputs gikan sa PSAC Tourism Sector members sama sa Philippine Retailers Association Vice Chairman for International Relations Roberto Claudio Sr; Filinvest Development Corporation President and CEO Josephine Gotianun-Yap; Hertz Philippines CEO Rene Limcaoco; LT Group Vice Chairman and COO Lucio C. Tan III; PSAC Secretariat Head and Aboitiz Equity Ventures Inc. (AEV) Chief of Staff Gie Polanco; and PSAC Communications Lead ug AEV First Vice President of Reputation Management Ginggay Hontiveros-Malvar.

Si Robinsons Land Corporation Business Development Officer Leslie Vanessa Lim nitambong usab sa tigom uban ni Presidential Management Staff Secretary Zenaida Angping, Department of Tourism (DOT) Undersecretary Shalihmar Tamano, DOT Undersecretary Shereen Gail Yu-Pamintuan ug Department of Foreign Affairs - Foreign Service Officer Maria Louella Duarte.

Ang tigom nitapos sa positibo nga pulong ni PBBM nga nidawat sa tanang rekomensayon gikan sa grupo ug nagtahas sa government agencies sa pagsugod sa koordinasyon ug pagpatuman sa plano.

Kini nga mga bug-at nga lider sa industriya ninghatag sa ilang kahibalo ug kasinatian sa serbisyo sa Philippine tourism industry ug ubang nagsuporta niini.

Way pagkuwang sa natural ug cultural wonders uban mahigalaong katawhan, busa ang rekomendasyon sa PSAC nagkatutok sa pagpalambo sa talagsaong gasa sa katahom sa Pilipinas.

Bisan ang tanang Filipinos nakahibalo na niini nga bahandi sa nasod, lakip sa PSAC members ug si PBBM, busa nauyonan nga panahon na karon sa pagdapit sa katawhan sa ubang bahin sa kalibotan sa pagdiskubre sa kanindot sa nasod. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph