Namatay ang usa ka pulis sa lalawigan sa Northern Samar human aksidente niini nga napusilan ang iyang kaugalingon.
Ang biktima giila nga si Police Corporal Mar Dino Estellero,35, taga Barangay Balite, San Jose, Northern Samar.
Matod sa report sa kapulisan, naglimpyo sa iyang pistola ang pulis sa dihang na-slide kini sa iyang kamot ug aksidente nga nakablit ug nibuto.
Naigo sa iyang ulo ang pulis.
Dali nga niresponde ang mga sakop sa Municipal Disaster Risk Reduction and Management (MDRRM) ug naabtan pa ang pulis nga naligo sa kaugalingong dugo.
Gidala sa tambalanan ang biktima apan gideklarar nga dead on arrival.
Padayon pa ang gihimo nga imbestigasyon sa insidente.