Labing unang all-female fire sub- station sa Cebu City Fire Office (CCFO) gipailaila kagahapon, Oktubre 27,2022.
Usa ka mubo nga seremonyas ang gipahigayon sa hawanan sa Parian Fire Station nga gitambongan sa mga dinapit nga bisita aron pagpahibalo sa Pardo fire sub-station sa Pardo nga gilangkuban sa pulos babaye gikan sa ilang hepe nga si SFO4 Anadith Tradporte ngadto sa drayber sa fire truck ug mga bombero.
Ang Pardo Fire Station gilangkuban sa 15 ka babayeng fire fighters.
Matod ni SFO4 Anadith Trasporte, malipayon siya ug iyang gihangop nga mangulo sa unang all-women nga sub-fire station sa dakbayan o kaha sa tibuok nasod.
Dugang ni Trasporte nga sa ilang kapaspas sa pagtubag sa sunog, ilang ipakita ug makigtambayayong sa ilang kaubang mga lalaki nga bombero sa pagtubag kon dunay sunog.
“Unsay kaya sa mga kalalakihan nga firefighters kaya gyud na namo...” matud ni Trasporte.
Hagit usab para kang Trasporte sa iyang team nga pulos babaye, sama sa mga lalaki nga bombero, mao ang mga sibilyan nga moapil sa pagpalong sa kayo, gawas sa kahagip-ot ug sudlunong dapit sa nasunogan.
Ang Pardo Fire Station, maoy naglangkob sa ika-10 nga sub-fire station, sakop sa CCFO. (BBT)