Gipadayon ni Cebu City Mayor Michael Rama ang reshuffling sa mga department head sa iyang administrasyon, ning higayuna, ang posisyon sa city administrator.
Gitudlo ni Rama si manlalaban Collin Rosell isip bag-ong city administrator sa City Hall sa Lunes, Abril 3, 2023, hulip kang engineer Suzanne Ardosa.
Si Rosell maoy executive secretary ni Rama.
Si Rama maoy nipahibawo atol sa paghandom sa Siyudad sa Battle of Tres de Abril, Lunes, Abril 3, atubangan sa mga empleyado sa City Hall.
Si Rosell maoy mihulip kang Ardosa, kinsa gitudlo karon nga mangulo sa Department of Manpower Development and Placement (DMDP).
Si Ardosa nagsilbi nga city administrator sukad nilingkod si Rama niadtong Hulyo 2022.
Sa sayo pa, gitudlo usab ni Rama ang iyang special assistant nga si manlalaban Jerone Castillo nga mangulo sa City Legal Office. (JJL)