Rama mitudlo ni Holganza isip tsirman sa Citom board

Cebu City Mayor Michael Rama. (File photo)
Cebu City Mayor Michael Rama. (File photo)

Gitudlo ni Cebu City Mayor Michael Rama si kanhi konsehal Rico Rey Francis “Koko” Holganza isip chairman sa City Traffic Operations Management (CITOM) Board.

Si Rama nitug-an sa mga tigbalita sa Martes, Hunyo 14, 2022, nga gusto niya nga si Holganza maoy iyang main man alang sa pagpalambo sa sitwasyon sa trapiko sa dakbayan tungod kay nakita niya ang iyang pagbati sa boluntaryo ug gugma alang sa Sugbo.

“I am a volunteer and a volunteer exists so that others may live. I can feel the volunteerism in the heart of Koko,” matod ni Rama.

Human sa pagserbisiyo sa Konseho sa Dakbayan, si Holganza natudlo usab sa Bureau of Customs isip district collector sa Port of Cebu niadtong 2016.

Gibutyag usab ni Rama nga si Holganza apil unta sa iyang slate atol sa piniliay niadtong Mayo 9, 2022 apan nibalibad ang naulahi.

Matod sa mayor nga ang nag-unang trabaho ni Holganza mao ang pagdala og “sanity” sa karsada ug lakip na niini ang traffic education sa mga motorista sa dakbayan.

“The people in Cebu have to be properly informed about the responsibility as motorists and the responsibility as a citizen,” matod ni Rama.

Dugang pa ni Rama nga kinahanglang iapil usab ang traffic curriculum sa basic education system aron matudlo na kini sa bata pa.

“I have that program before, ‘know your barangay.’ This time, ‘know your being a citizen,’ and that will include traffic obedience,” matod ni Rama.

Ang mayor niingon usab nga si Holganza maapil sa technical working group alang sa Mega Cebu Development Council nga maoy motuki sa mga imprastraktura sama sa flyovers ug subways nga makapauswag sa sitwasiyon sa trapiko sa dakbayan.

Si Rama nipadayag sa iyang pasalamat nila ni Representatives Rachel del Mar ug Eduardo Rama sa ilang pasalig nga magtinabangay alang sa katumanan sa Mega Cebu project.

Matod ni Rama, aduna nay nipakita og interes nga magbutang og “intelligent traffic management system” sa dakbayan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph