Gikompirmar ni Presidente Ferdinand "Bongbong" Marcos nga iyang gidawat ang courtesy resignation sa duha ka dagkong mga opisyal sa Philippine National Police (PNP) nunot sa gihimong assessment sa giingong kalambigitan nila sa illegal drugs trade.
"So sa kasalukuyan, 'yung dalawa na sa police na nagbigay ng courtesy resignation ay tinanggap na ang resignation. May 30, labis na 30 na under investigation pa rin. Titingnan natin kung sila ba ay dapat kasuhan, kung sila ba ay kailangan suspendihin, kung ano man dahil kung mayroon man silang kinalaman sa mga drug syndicate, iba-ibang involvement," matod sa Presidente sa usa ka question and answer portion atol sa usa ka forum nga giorganisar sa Center for the Strategic and International Studies in Washington.
Wa niya hinganli ang mga opisyal sa kapulisan. Uban sa bendisyon ni Marcos, si Interior and Local Government Secretary Benhur Abalos Jr. nanawagan sa mga full-fledged police colonels ug generals nga mosumiter sa ilang courtesy resignation sa Enero sa tinguha nga malimpyuhan ang hut-ong sa kapulisan gikan sa buluyagon nga mga opisyal, ilabi na niadtong nalambigit sa illegal drugs trade.
Usa ka komite nga gilangkuban sa mga "walay hugaw" nga personalidad lakip na ang kanhi hepe sa PNP nga si General Rodolfo Azurin Jr. ug retiradong heneral nga karon Baguio City Mayor Benjamin Magalong, gimugna. (TPM sa SunStar Philippines)