BARUGO, LEYTE - Patay ang usa ka retirado nga pulis kahuman gipusil sa wa mailhing responsable didto sa usa ka sabungan.
Giila ang biktima nga si retired SPO1 Elesio Labarda, 52, taga Brgy. Dist. V ning lungsod.
Base sa inisyal nga imbestigasyon, padung na unta mosakay sa iyang motorsiklo ang biktima sa dihang miabot ang gunman.
Gipusil sa makatulo nga higayon ang ang biktima nga miresulta sa hinanaling kamatayon.
Misibat ang gunman sa wa matino nga direksyo sakay sa usa ka motorsiklo. Narekober sa crime scene ang tulo ka kabhang sa kalibre .45 nga pistola.
Padayun pa ang gihimo nga imbestigasyon sa motibo sa pagpatay sa kanhi pulis. (JKDP)