Ang Robinsons Galleria Cebu uban sa Seed4Com modawat og donasyon hangtod sa Martes, Enero 11, 2022, alang sa mga naapektohan sa bagyong Odette.
Ang Sustainable Energy and Enterprise Development for Communities (SEED4Com), non-stock, non- profit organization, motabang sa pagpalambo sa kondisyon sa katawhan ug paghatag og gahom sa mga dapit sa mga kabus ug mga lagyong komunidad.
Ang mga donasyon ilang ihatod sa mga isla sa Olango, Pangan-an, Caobyan, Gilutongan, ug Caohagan sa dakbayan sa Lapu-Lapu.
Nag-una sa donasyon mao ang tubig, pagkaon ug salapi aron ipalit og solar lamps.
Gawas sa cash o in-kind donations, ang Seed4Com nangita og mga boluntaryo nga modawat sa mga donasyon ug mitubag sa mga pangutana sa ilang booth sa The Atrium, Robinsons Galleria Cebu.
Sa dugang kasayoran, sunod sa Facebook Robinsons Galleria Cebu ug Seed4com. (PR)