SC midason sa pagbasura sa P1.05B nga kasong ill-gotten wealth batok mga Marcos

MANILA. Former President Ferdinand Marcos Sr. and wife, Imelda. (File photos)
MANILA. Former President Ferdinand Marcos Sr. and wife, Imelda. (File photos)

Gidasunan sa Supreme Court (SC) ang hukom sa Sandiganbayan nga nagbasura sa P1.05 bilyunes nga ill-gotten wealth nga kaso batok ni anhing Presidente Ferdinand Marcos Sr., iyang asawa nga si Imelda ug laing lima ka mga respondent.

Sa usa ka desisyon nga giluwatan niadtong Marso 29, ang SC First Division niingon nga ang Sandiganbayan “no reversible error” sa ilang desisyon niadtong Septiyembre 25, 2019 sa kaso batok sa mga Marcos, Bienvenido Tantoco Jr., Dominador Santiago, Bienvenido Tantoco Jr., Gliceria Tantoco ug Maria Lourdes Tantoco Pineda.

Ang kanhi Presidente gihulipan sa iyang mga manununod lakip ang iyang asawa, ug mga anak nga sila si Ferdinand “Bongbong” Marcos Jr., Imee Marcos ug Irene Marcos-Araneta samtang si Gliceria gihulip ni Santiago.

“While it is truly disappointing that nothing has come of this case despite the lapse of 36 spent in litigation, the Court agrees with the Sandiganbayan that petitioner’s evidence is insufficient to support the allegations of its expanded complaint by preponderance of evidence,” mabasa sa hukom nga gisuwat ni Associate Justice Ricardo Rosario.

Ang kaso gisang-at sa Presidential Commission on Good Government (PCGG) niadtong 1987 nga nag-alegar sa mga Marcos sa ilegal nga pag-withdraw sa mga pundo gikan sa National Treasury, Central Bank (karon Bangko Sentral ng Pilipinas) ug uban pang lokal nga pinansyal nga institusyon, ug gibalhin ang pundo ngadto sa ilang mga kauban nga giingong nagsilbi nga ilang dummies alang sa negusyo ug mga kabtangan, lakip na ang mahalon nga mga butang sa negosyo ug mga kabtangan, lakip na ang mahalon nga mga alahas, mga alahas, ug uban pang mga butang, mga kabtangan sa real estate, lakip ang mga naa sa New York, alang nila.

Gipasanginlan sab sila nga nitugot sa Duty-Free Shops nga i-divert ang singko porsiyento sa ilang franchise taxes ngadto sa Nutrition Center of the Philippines, nga gipangulohan niadto ni Imelda, ug sa Manila Seedling Bank nga gipangulohan ni Tantoco Sr.; pag-angkon og walay kinutuban nga mga benepisyo sa importasyon nga walay buhis; ug pagdawat sa uban pang dili angay nga mga benepisyo alang sa ilang kaugalingon ug sa ilang mga negusyo tungod sa ilang suod nga pakig-uban sa kanhi first couple.

Tumong sa kaso nga mabawi ang real ug personal properties ug danyos nga mokabat sa P1.05 bilyunes.

Ang Sandiganbayan niingon nga ang PCGG napakyas sa pagpresentar og igong ebidensiya aron pagmatuod sa ilang mga pangangkon.

“While it may be true that the petitioner had submitted numerous pieces of evidence, many were excluded because they were not disclosed during the discovery process and others were excluded for violating the Best Evidence Rule. After all was said and done, only 11 exhibits and four testimonies were admitted,” matod sa mando.

Ang SC nagkanayon nga ang 11 ka mga exhibit lakip na ang mga sulat gikan sa Commission on Audit nga nagrekomendar sa pag-audit sa Duty-Free Shops ug pagtuon sa ilang mga libro sa accounts, usa ka deed of assignment ug promissory notes nga gipirmahan sa mga kompaniya sa Tantocos tungod sa utang, walay gipakita nga koneksyon sa mga ilegal nga buhat sama sa gipahayag sa reklamo.

Napakyas usab ang PCGG nga pamatud-an nga ang Tantocos ug Santiago nagsilbing dummies sa mga Marcos. (TPM sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph