ANG Sangguniang Kabataan (SK) chairman sa Barangay Bayong Lungsod sa Balamban nasikop sa mga sakop sa Balamban police station atol sa buy bust operation Martes, Sept.18.
Ang SK Chairman nga nadakpan sa buy bust operation mao si Regie Ponce nga taga Bayong Balamban ug ang iyang kauban nga si Renan Sotto nga taga barangay Luz sa syudad sa Sugbo ug pulos hingkod na ang pangidaron.
Nakuha gikan kanila ang 12 gramos sa gituohang shabu nga gibana- bana nga mobalor ang tanan sa P141,600.
Nabalhog na sa Balamban PNP ang duha. Ang operasyon gipangulohan sa hepe sa Balamban Police Station nga si Police Sr. Insp. Pedroso ug inabagan sa Provincial Intelligence Branch nga gipangulohan ni Police Chief Insp. Natnat pasado alas 11 gabii.
Nabalhog na sa Balamban PNP ang duha. (Arnold Bustamante)