Ang dakbayan sa Talisay magtukod og food stalls nga ang konsepto sama sa Sugbo Merkado sa IT Park sa dakbayan sa Sugbo.
Usa kini sa mga plano ni Talisay City Councilor Eduardo “Digul” Gullas apan ang makabaligya sa stalls mao kadtong lumad nga taga Talisay.
Dugang ni Gullas, kinsa nahinabi sa mga tigbalita bag-ohay lang, makigtigom pa siya sa iyang mga kauban sa Konseho.
Mao kini hinungdan nga dili pa makasulti si Konsehal Gullas sa detalye bahin sa food stalls nga iyang plano.
“Mag brain storm mi, human among estoryahan uban ni Mayor (Samsam Gullas). Ang pangitaon gyud ana ang lot,” dugang sa konsehal.