RADIO reporter ug award-winning journalist ni-file sa iyang certificate of candidacy aron pagdagan isip konsehal sa iyang lungsod sa Ginatilan, Cebu.
Si Jose Gregy Magdadaro niduso sa iyang COC sa Ginatilan municipal election office sa Huwebes, Oktubre 7, 2021.
Si Magdadaro, radio reporter sa sibyaanang dySS ug correspondent sa Superbalita Cebu, nidagan ubos sa administration bloc ni Ginatilan Mayor Dean Michael Cinco.
Sila si Cinco ug kaubanan mga sakop sa One Cebu, partido ni Gobernador Gwendolyn Garcia.
Si Magdadaro nisulti sa SunStar Cebu nga siya nakugang dihang siya gidapit ni Cinco sa
pag-apil sa iyang team.
Human nila matuki sa iyang asawa, si Magdadaro nakahukom sa pag-apil sa team ni Cinco.
"This is a once-in-a-lifetime opportunity for me. If I don't grab it, I don't know when it will come," matod ni Magdadaro.
Matod niya nga nisulod siya sa pulitika aron pagtabang sa iyang mga tagilungsod.
Bisan kon dugay na siyang reporter sud sa daghang katuigan, siya niangkon nga wa siya masayod kon ang iyang kasinatian sa pamalita iya bang magamit sa pampublikong buhatan.
"I don't if it will even be a factor. As you know, I also have to campaign and show to my fellow Ginatilanons what I am capable of. They won't look at you just because you work in the media," siya nidugang.
Sa wa pa siya mahimong radio reporter, si Magdadaro kanhi TV reporter sa GMA 7.
Sa 2014, si Magdadaro usa sa 20 ka journalists nga gihatagan og Super Media Award sa SM
Foundation tungod sa iyang coverage sa kadaut sa bagyong Yolanda sa Kabisay-an.(JKV)