Suroy-Suroy sa Sugbo mobalik sa Nobiyembre

Suroy-Suroy sa Sugbo mobalik sa Nobiyembre



Mobalik na ang Suroy-Suroy sa Sugbo nga motadlas sa mga maanindot nga tourist destinations sa habagatang Sugbo sa lalawigan.

Gipahibawo sa Cebu Provincial Tourism Office (CPTO) ang pagbalik sa tulo ka mga adlaw nga Suroy-Suroy sa Sugbo sugod Nobiyembre 18-20 karong tuiga.

Kini nga Suroy-Suroy gitawag og Heritage Trail tungod sa nagkadaiyang lugar nga may koneksyon sa kultura ug kasaysayan sa mga Sugboanon nga mismo malantaw ug mahimong bisitahon atol sa maong higayon.

Magsugod ang unang adlaw sa Suroy-Suroy sa lungsod sa Minglanilla sundan sa mga lungsod sa San Fernando, Sibonga, Argao, Dalaguete, Alcoy ug Boljoon.

Sa ikaduhang adlaw, suroyon niini ang mga nagkadaiyang beaches sa lungsod sa Oslob, Santander, Samboan, Ginatilan, Malabuyoc, Alegria, Badian ug Moalboal.

Sa ikatulo ug uwahing adlaw sa suroy, subayon niini ang kalungsoran sa Alcantara, Ronda, Dumanjug, ug Barili, dakbayan sa Carcar, siyudad sa Naga ug motapos kini sa usa ka panihapon ug pasundayag sa dakbayan sa Talisay.

Gawas sa mga talan-awon, ipasundayag usab sa mga lokal nga kagamhanan ang nagkadaiyang delicacies sa ilang dapit.

Alang sa gustong moparehistro, mahimong moduaw ug magpakisayod sa CPTO sa Kapitolyo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph