Nakauli na sa ilang mga lugar ang 134 ka mga survior kinsa nagpuyo sa lungod sa Hilongos ug Bato sa Leyte, nga mga sakay sa MV Mama Mary nga nasunog sa Dominggo, Hunyo 26, ala 1:00 sa hapon sa lawod sa lungsod sa President Carlos P. Garcia, lalawigan sa Bohol.
Ang Philippine Coast Guard (PCG-Cebu ) station nidugang nga laing 29 ka mga pasahero ang naluwas nga sakay sa samang barko nga ningsakay alas 3 kagahapon sa hapon sa MV Lady of Smile paingon sa Hilongos ug Bato.
Si Lt. JG Krysta Bergantin sa PCG-Cebu nagkanayon nga nagpadayon ang paghimo sa marine casualty investigation aron masayran ang kinatibuk-ang panghitabo labot sa maong insidente nga nikutlo sa kinabuhi ni Adolfo Rañola, 53, taga Trinidad, lalawigan sa Bohol.
Ang na-report nga na-missing, gipahibawo ni Bergantin nga nakit-an ug apil sa na-rescue si Andy Tuñacao, 32, sa MBCA Leopard, nga gidala sa Hilongos apan nibiya ra usab gumikan sa trauma gumikan sa hitabo.
Ang fastcraft nga nasunog nga niresulta sa pagkalunod gikan sa lungsod sa Ubay sa lalawigan sa Bohol ug paingon sa lungsod sa Bato, Leyte.
Ang fastcraft dunay kapin sa 100 ka mga pasahero diin ang kadaghanan naluwas sa ubang fastcraft ug barko nga nakaagi lakip sa mga mananagat sa dapit.