Upat sa 10 ka mga naapil sa ulahing survey sa Social Weather Stations (SWS) nagkanayon nga ang kalidad sa kinabuhi misamot og kaubos kon itandi sa miaging tuig.
Ang SWS nagkanayon nga 24 porsiyento sa respondents nipadayag nga mas mimaayo ang ilang kinabuhi (gainers), samtang 36 porsyento nagkanayon nga way umento ug sama lang gihapon sa miaging 12 ka buwan (losers).
Ang resulta sa puntos sa Net Gainers score, o ang percentage sa Gainers minus sa percentage sa Losers, mogawas nga -16, diin gi-classify sa SWS isip mediocre.
“The December 2021 Net Gainer score is 28 points up from the extremely low (of) -44 in September 2021, but still 34 points below the pre-pandemic level of the very high +18 in December 2019,” tipik sa pamahayag sa SWS.
“The 28-point rise in the national Net Gainer score between September 2021 and December 2021 was due to improvements in all areas, especially in Metro Manila and Mindanao,” dugang sa SWS.
Kon itande ang survey nga gihimo sa third quarter sa 2021, gainers sa Metro Manila nitubo og 40 points gikan sa grabe nga -51 ngadto sa mediocre -11.
Sa Mindanao, gainers nisaka og 32 points, sa Visayas sa15 points ug Luzon sa 30 points.
“Compared to September 2021, Net Gainers eased from extremely low to mediocre among non-elementary graduates, up by 27 points from -46 to -19. It eased from catastrophic to mediocre among elementary graduates, up by 33 points from -50 to -17,” sumala sa SWS.
“It eased from extremely low to mediocre among junior high school graduates, up by 29 points from -46 to -17. It eased from low to fair among college graduates, up by 19 points from -26 to -7,” dugang sa survey.
Nagsugod ang limitadong face-to-face classes sa Nobiyembre 2021.
Ang survey gihimo sa 1,440 ka mga hamtong sa tibuok nasod gikan sa Disyembere 12 ngadto sa 2021 dihang ang kagamhanan nihinay sa pagpaluag sa restrictions taliwala sa coronavirus disease 2019 (Covid-19) pandemic.
Sa respondents nga nag-edad og 18 anyos ug pataas, 13 porsyento gikan sa Metro Manila, 45 gikan sa Luzon, 19 porsyento gikan sa Visayas, ug 23 porsyento gikan sa Mindanao. / SunStar Philippines