Nipahigayon og libreng serbisyo ug nanghatag og pagkaon ang grupo nga Syntrofia ngadto sa mga lumolupyo sa Brgy. Fortaliza, Tuburan, Cebu niadtong Hulyo 30, 2023.
Si Feliculo “GSMES Double Delta” Lecciones, Jr., pangulo sa grupo, maoy nangulo sa outreach program sa naasoy nga dapit uban sa iyang mga opisyal ug mga miyembro.
Nakapahimulos ang mga lumolupyo sa blood sugar testing, blood pressure monitoring, tupi, hilot ug masahe, nanghatag usab og gatusan ka reading eyeglasses, branded nga mga used clothing, sapatos, bag ug kawo.
Lakip sa sinakong bugas usab ang ilang gi-repack ug gipanghatag sa mga nanambong.
Nalingaw ang mga tawo sa parlor games nga dunay premyo.
Gipahigayon sab ang pag-apud-apod sa pagkaon sa alang sa mga bata ug mga hamtong.
Atol sa mga duwa, dunay premyo nga salapi ug mga pagkaon.
Nitambong sa kalihukan mao ang mga kawani ug opisyal sa naasoy nga barangay nga gipangulohan ni Brgy. Capt. Fernando Cundiman.
Ang Syntrofia usa ka non-partisan nga grupo ug rehistrado sa Securities and Exchange Commission (SEC).
Gilangkuban kini sa nagkalainlaing sektor gikan sa mga dapit sama sa Lapu-Lapu, Mandaue, Consolacion, Liloan, Compostela, Danao, Tuburan ug Mindanao. (PR)