Taas nga linya tungod sa pagpalyar sa VCMs

Kapin sa 1,800 ka vote counting machines (VCMs) ang nakasugat og mga problema taliwala sa pagpahigayon sa 2022 national ug local elections Lunes, Mayo 9, 2022, matod ni Commission on Elections (Comelec) commissioner George Garcia.

Matod ni Garcia nga lakip sa mga isyu nga nasugatan mao ang paper jam, rejected ballot ug VCM scanner ug printer malfunction.

Ang pipila sa mga nadaot nga VCM gipulihan o giayo sa onsite technical personnel.

Ang mga VCM nga dili ma-fix ilisan, apan kon wala’y magamit nga kapuli, ang mga makina ibalik sa mga hub alang sa pag-ayo.

Kini nga mga isyu niresulta sa taas nga linya sa lainlaing mga sentro sa botohan sa tibuok nasud.

Si Garcia niawhag sa mga botante nga ipadayon ang pagbotar ug itugyan ang ilang napuno nga mga balota ngadto sa mga election officer sa ilang presinto.

“So in the meantime, alangan naman po na habang ang machine ay nasa repair hubs, yung balota ay hawak-hawak ng mga botante. Hindi naman po puwedeng ganon. So kailangan iwanan ng mga botante ‘yan sa kanilang lamesa ng ating mga guro, siyempre nandiyan po ang mga watchers,” matod ni Garcia.

“No choice po tayo doon. Ang importante nakaboto ang mga kababayan natin at ang mga mismong balota ay nakapatas po dyan ima-mass feed po yan. ‘Yan po ang isang pagkakataon na ang resibo ay hindi po maibibigay sa mga botante natin,” dugang niya.

Hinuon, pipila ka mga botante ang nagdumili sa pagbuhat sa gitambag sa Comelec tungod sa pagpanalipod sa ilang mga boto.

Sa maong kalambuan, ang election watchdog nga Kontra Daya niawhag sa Comelec nga lugwayan ang oras sa pagboto, nga gitakda hangtod alas 7 sa gabii, nga nag-ingon nga ang pagbilin sa mga balota ngadto sa mga opisiyal sa eleksiyon “dili madawat.”

“Kontra Daya reiterates that it is the choice of voters to wait for their ballots to be fed to VCMs. Prohibiting voters may result in loss in confidence on the results of the election,” matod niya. / (TPM sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph