Task Force Baha naghimo og mga lakang batok baha

Task Force Baha naghimo og mga lakang batok baha

Ang Cebu City Task Force (TF) Gubat sa Baha nag-istratehiya og mga solusyon aron mamenosan ang padayon nga pagbaha sa dakbayan sa Sugbo.

Sa press conference ni Cebu City Mayor “Mike” Rama sa Biyernes, Agusto 4, si retiradong Army Colonel Jefferson Omandam, representante sa Gubat sa Baha TF, namahayag nga padayon silang nag-declogging, nag-desilting, ug nag-dredge sa mga flood prone areas sama sa Bonifacio St., Pari-an, Cebu City.

“Ang task force nag-organisar og technical working group aron matubag dayon ang kabalaka [kalabot sa] desilting, declogging, ug dredging. Kini pinasubay sa pagpahigayon og massive desilting, declogging, ug debridement,” matod ni Omandam.

Gihatagan usab og gibug-aton ni Omandam ang kamahinungdanon sa pagpatuman sa kasamtangang mga balaod, ilabi na sa pagkalot sa three-meter easement zone sa mga ubos nga dapit ug dali nga bahaan nga dapit sa dakbayan sa Sugbo nga maoy hinungdan sa pagkabara sa mga agianan sa tubig.

Ang Gubat sa Baha TF kauban ang Department of Enginee­ring and Public Works (DEPW) ug Department of Public Works and Highways (DPWH) Region 7 hugot nga nagmonitor sa kusog nga pagbaha.

Gikan sa Huwebes hangtod Biyernes, ang DPWH maoy gitahasan sa pag-unblock sa mga drainage, samtang ang DEPW sa weekend.

Samtang, si Atty. Collin Rosell, Cebu City Administrator, nidayeg sa paningkamot sa Cebu City-TF pinaagi sa pagsulbad sa kahimtang sa pagbaha sa mga dapit nga da­ling malunopan sa dakbayan sa Sugbo sama sa Barangay Pari-an. (Erica Abella ug Denise Mae Codis, CNU Interns)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph