‘This iSkwela’ libreng online learning sa Globe

USA ka libreng online learning community nga bukas sa tanan ang gihatag sa Globe. Kini ang “This iSkwela” nga ma-access pinaagi sa social media platform Facebook.

Ang This iSkwela Facebook Community nagsilbi nga usa ka virtual classroom.

Abli kini sa tanan, bata o tigulang, estudyante, propisyonal, o bisan kinsa nga interesado sa pagkat-on sa online nga komunidad.

Pinaagi niini, ang mga miyembro mahimong makahimamat ug makaila ang dugang nga mga higala, makaangkon og impormasyon, makapauswag sa ilang mga kahanas, makapaambit sa kahibalo, ug makadani og makahuluganon nga panag-istoryahanay.

Ang This iSkwela adunay mga eksperto sa lainlaing mga subject aron motabang sa community members.

Kini sila si Angelo Sicat, usa ka magtutudlo ug Tiktok content creator alang sa practical ug easy-to-digest English language learning topics; Immanuel Maglasang, ang nagpaluyo sa online channel Science Kwela; Cipriano Romeral, Jr., usa ka eksperto sa Math ug nipahigayon na ug lectures alang sa Licensure Examination for Teachers (LET) ug Teacher Maureen Madiano, usa ka lisensyadong magtutudlo ug content creator, nga motudlo og English ug Filipino lessons sa nagkadaiyang social media platforms.

“With more people joining and participating in online communities, Globe aims to build an inclusive social hub that serves as an alternative learning community for anyone who wants to do lifelong learning,” matod ni Yoly Crisanto, Globe’s Chief Sustainability Officer ug SVP for Corporate Communications.

Nagtuo ang Globe nga ang This isKwela tukma sa panahon karon hilabina nga nadawat na sa katawhan ang mga bag-ong pamaagi bahin sa “new normal”.

Ang This iSkwela kabahin sa GoLearn, usa ka unified, Globe-wide platform nga ang tinguha mao ang pagtabang sa nasod aron makab-ot ang 21st Century Learning.

Gipasiugda sa GoLearn ang padayon nga pagkat-on ug dugang nga pagdugtong sa mga digital nga kal-ang sa talan-awon sa edukasyon sa Pilipinas pinaagi sa pag-access sa koneksyon, mga platform sa pagkat-on, ug lainlaing mga solusyon.

Sa mga interesado moapil niini nga online community, mamahimong mobisita lamang niini nga address https://www.facebook.com/groups/thisiskwela.

Ang Globe padayon nga nagsuporta sa United Nations Sustainable Development Goals, hilabina ang UN SDG No. 4, nga nisiguro sa inclusive ug equitable nga kalidad sa edukasyon ug ni-promote sa lifelong learning opportunities sa tanan.

Ang kompaniya nipasalig nga suportahan ang United Nations Global Compact principles ug 10 UN SDGs.

Alang sa dugang mga detalye o kasayuran, bisitaha ang www.globe.com.ph. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph