Usa ka aktibong traffic enforcer sa lungsod sa Dalaguete napusasan atol sa buy-bust sa kapulisan, alas 3:00 sa hapon sa Martes, Hulyo 11, 2023.
Si Police Major Clemente Geralde Jr., hepe sa Dalaguete Police Station, niila sa suspek nga si Nemesio Beldad Amancio, alyas Mesio, 43, lumolupyo sa Sitio Cansusi, Barangay Tapon, Dalaguete.
Si Amancio nadakpan sa anti-illegall drug operation sa Barangay Mantalongon sa samang lungsod.
Atol sa ronda, nasakmitan si Amancio og lima ka pakete sa gituohang shabu lakip na ang P500 nga buy-bust money ug P300 cash nga gituohang halin sa illegal drugs.
Kalapasan sa Akta Republika 9165 o Comprehensive Dangerous Drugs Act of 2002 ang atubangon sa suspek nga kasamtangan nga gibalhog sa selda sa Dalaguete Police Station.
