NAGBASOL ang usa ka umagad human gipadakop sa iyang ugangan dihang sila nagkalalis atol sa paghatud og konsumo niini nga para unta sa iyang mga anak pasado alas 2 sa Lunes sa hapon sa Sityo Lemonsito, Barangay Umapad, Dakbayan sa Mandaue.
Si Police Staff Sergeant Ranny Maroto sa Station 5 sa Mandaue City Police Office, niresponde sa alarma sa pag pangayo og tabang sa apo nga babaye ni Wilfredo Nuñez, 68, human gitiunan og pusil sa suspek nga si Elmer Canque, 41.
Pagresponde nila ni Maroto, naabtan niini nga nakatutok pa ang armas nga .38 kalibreng revolver ni Canque ngadto kang Nuñez.
Sa pag-abot sa mga pulis, nipatuo si Canque nga ikanaog ang armas dayon gidakop ug gidala sa estasyon.
Nasakmit kang Canque ang usa ka .38 kalibreng revolver nga armas nga dunay lima ka mga bala.
Sa ilang pagrekisa kang Canque, dunay nakuha nga duha ka mga paketeng gagmay nga shabu sa iyang bulsa.
Si Canque nga nahinabi sa Superbalita Cebu niangkon nga nagpasalamat siya sa mga pulis nga na alarmahan dayon siya tungod kay dali siya naka matngon.
“Maayo nalang gali, Sir, nga wala to nako nakablit ang armas kay og nakapusil pa ko, namatay akong ugangan. Dako na hinuon akong problema,” matod ni Canque.
Si Canque nga usa ka drayber ug embalmer, miangkon nga nagdala gyud siya og armas niadtong tungora nga gisuksok sa iyang kiliran