MOHIMO og special task force ang kagamhanan sa dakbayan sa Mandaue aron motutok sa rehabilitasyon sa Umapad dumpsite human kini nakitaan og delikadong methane gas deposit sa taga- Japan International Cooperation Agency (JICA) sayo ning tuiga.
Matod ni Mayor Luigi Quisumbing nga tuyo sa task force nga mapaspasan ang pagkuha sa peligrosong gas ilawom sa dumpsite sa pinakadaling panahon.
Gipasirad-an sa mayor ang maong dumpsite niadtong Mayo human nigawas ang resulta sa soil test sa JICA nga daghang methane gas deposits ang naa sa ilawom niini ug nagdala kini'g peligro di lang sa panglawas apan possible sab kining moulbo.
"We hope that the new task force will be able to study and recommend the mitigation measures para ma-mine out nato ang methane gas as soon as possible. Because if we do not do this within the next few years, it will take even longer because the methane will continue to build up over time," matod ni Quisumbing sa sa mga tigbalita.
Dugang niya nga ang paghimo sa special task force umolon pinaagi sa executive order.
"This is a very important initiative because of the studies sa JICA, if not handled properly and with expertise, it can pose danger not just to the surrounding area but also imposes greater danger to an ever-expanding area,' ni Quisumbing.
Si Masoy Tumulak, kanhi kapitan ug kawani sa Human Resource and Development Office (HRDO) maoy mangulo sa task force, iyang assistant mao si Engr. Andres Suson, kanhi kawani sa Office of the Building Officials (OBO).
Paambit ni Quisumbing nga gikinahanglan nga mohimo sila'g task force tungod kay di naman makaya ang bulohaton sa Department of General Services, kinsa maoy nagdumala sa dumpsite niadto, ang bulohaton sa pagtutok sa problema.
Kahinumduman nga ni-gahin ang Mandaue og P120 milyones alang sa Material Recovery Facility (MRF) sa maong dumpste apan tungod sa nadiskubrehang problema, i-align una sa infrastructure projects sa gi-prayoridad nga drainage master plan ang P90 milyones sa budget. (JPP)