Wanted sa Talisay sa kasong lugos, sikop sa kapulisan

Ang ikalimang most wanted person sa kasong pagpanglugos nadakpan sa kapulisan sa dakbayan sa Talisay sa alas 5:00 sa hapon sa Martes, Nobiyembre 15, 2022, sa Barangay Tanke.

Gidakop ang ang 37 anyos nga si Junjun (di tinuod niyang ngan), taga Brgy. Mohon tungod sa giingong pag-abuso niya sa iyang pag-umangkon.

Ang grupo ni Police Captain Jose Nilo Abello, deputy chief of police sa Talisay City Police Station, maoy ni-serve sa warrant of arrest nga giluwatan ni Judge Romeo Reyes Jr. sa Family Court sa Branch 7 sa 7th Judicial Region sa dakbayan sa Talisay sa kasong lugos nga way girekomendar nga piyansa.