Araullo miadto sa Tawi-Tawi pag-docu sa ‘Write to Vote’.
Pipila na lang ka buwan, ang mga Filipino maghugop aron pagbotar ug mopakli ang laing panid sa kasaysayan sa nasod.
Apan luyo sa kasaba sa kampanya karon, dunay daghang mga importanteng pangutana kon unsaon sa mga bag-ong lider sa pagtubag sa mga problema sama sa pagpalambo sa edukasyon.
Kagahapon, Marso 20, gipakita ni Atom Araullo sa iyang programa bahin sa biyahe sa Tawi-Tawi, ang habagatang tumoy sa nasod ug ang labing kabus nga lalawigan sa Pilipinas, aron paghimo sa documentary nga ‘The Atom Araullo Specials: Write to Vote.’
Sa naasoy nga documentary, gitutokan niya ang kasinatian sa 50-anyos nga volunteer teacher Kansida Arances o Teacher Sidang.
Taliwala sa kalisod, mapailubon kini sa pagpanudlo ug kanunay mosakay sa gamay nga pump boat gikan sa usa ka balay sa dagat ngadto sa mosunod nga balay aron pagtudlo sa mga bata ug sa ilang mga ginikanan.
Matag semana, siya mobisita sa 21 ngadto sa 25 ka mga balay nga naglutaw sa dagat nga magsilbi nga ilang dili kasagaran nga lawak-saringan. Tradisyon sa mga lumad sa dapit nga magpuyo sa kadagatan.
Usa ka 7-anyos nga si Marsila, usa sa iyang mga tinun-an nga nangandoy nga mahimong magtutudlo.
Apan nasuta ni Atom Araullo ang tinguha ni Marsila nga mahimong magtutudlo tungod sa mas lawom nga tumong: gusto siya nga motudlo sa iyang mismo ginikanan a pagsuwat ug pagbasa.
Ang edukasyon sa mga hamtong usa usab sa misyon ni Teacher Sidang.
Usa sa iyang mga hamtong nga tinun-an nga si Sali gusto nga mas molambo ang iyang abilidad sa pagbasa ug pagsuwat aron makahimo sa iyang katungod sa pagbotar nga kagawasnon, usa sa pangandoy nga buot niya mapasa sa iyang mga anak.
Sa mga nangaging eleksiyon, si Sali nakahimo sa pagbotar pinaagi sa pag-abag sa ubang tawo sa pagsuwat sa balota.
Wala siya masayod kon ang nasuwat sa balota mao ba ang iyang gusto nga kandidato.
Sa umaabot nga eleksiyon sa Mayo 9, 2022, si Sali nagplano nga siya na ang mosuwat sa balota.
Sa dugang kalamboan bahin sa GMA Network, bisita sa www.gmanetwork.com and www.gtv.ph. (PR)