Nahimo na nga opisyal ang pagbalhin ni Lonzo Ball gikan sa Chicago Bulls ngadto sa Cleveland Cavaliers ning Lunes, Hulyo 7, 2025 (PH time).
Isip baylo, nadawat sa Bulls gikan sa Cavaliers si Isaac Okoro.
Gikinahanglan sa Cavaliers si Ball aron makatapak sa haw-ang nga nabiyaan ni Darius Garland, kinsa gituohang makapalta og ubay-ubay nga mga duwa sa 2025-26 National Basketball Association (NBA) Season gumikan kay nagpaalim pa kini sa angol sa iyang tuo nga tiil.
Usa ka dekalidad nga pointguard si Ball apan nakasinati kini og angol sa tuhod nga maoy hinungdan nga duha ka mga tuig kining wa nakaduwa. / Gikan sa wires