Nagkuwang ang mga balota sa clustered precint sa Gun-ob Elementary School sa Dakbayan sa Lapu-Lapu atol sa national ug local 2025 elections sa Lunes sa gabii, Mayo 12, nga nakapalibog sa mga botante.
Si Allen, usa ka botante sukad sa 2016 ug naka-serve na isip electoral board sa 2022 ug 2023 nagkanayon nga una kining higayon nga nakasugat ning maong problema.
Samtang dunay botante nga naabot sa maong presinto sukad sa alas 2:00 sa hapon niingon nga gisaaran sila nga dugang balota ang ipadala.
Matod niya nga ang electoral board nipasabot nga ang mga balota sa clustered precint no. 129 ,500 ra ka buok imbes 700 alang sa mga botante.
Ubang mga botante ang nibotar na lang sa laing clustered precint.
Samtang si Atty. Ann Janette Lamban, ang election officer sa Dakbayan sa Lapu-Lapu, nipasabot nga naatiman ra ang tanan nga botante sa 129 tungod kay ang nakuwangan, didto man gipabotar sa clustered presinct 119. / DPC