Baltazar magpa-draft na sa PBA

Baltazar magpa-draft na sa PBA
SunStar Basketball

Adunay dakong kalambuan nga nahitabo kabahin sa umaabot nga 2024 Philippine Basketball Association (PBA) Draft Class.

Kini human nikompirmar ang kampo ni Justine Baltazar nga moapil ang garbo sa Pampanga sa PBA Rookie Draft sa sunod buwan.

Mismong si Pampanga sports director Allan Trinidad, kinsa maoy nag-agak sa karera sa laing mga Pampageño nga sila si Ian Sangalang, Calvin Abueva ug Arwind Santos, maoy nikompirmar niini.

“Magpapa-draft na si Justin,” matod ni Trinidad nga napatik Spin.ph.

Ang 6’7” nga produkto sa De La Salle University (DLSU) Green Archers gilaumang maoy mapiling No. 1 overall pick sa draft.

Si Baltazar nagpalista na unta sa PBA draft sa niaging tuig apan mi-withdraw kini human nakadawat og tanyag gikan sa Japan B.League.

Gikan sa Japan, miduwa siya sa Pampanga Giant Lanters sa Maharlika Pilipinas Basketball League (MPBL) nga naagak niya sa kampyunato ug niadtong higayuna, siya ang napiling MVP. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph