Nipalabang si Senador Bam Aquino og Senate Resolution No. 397 nga nag-awhag sa pagpahigayon og imbestigasyon sa nahitabong pagpamusil sulod sa pasilidad sa Senado niadtong Miyerkules, Mayo 13, 2026.
Gipanawagan sab niya ang publiko nga magbinantayon nga dili nabalhin ang atensiyon sa nahitabong kagubot sa politika, taliwala sa dakong krisis sa ekonomiya nga nasinate sa nasod.
Gikinahanglang magmatngon aron maseguro nga ang mga lider sa nasod nakatutok sa tinuod nga krisis nga nasinati sa umento sa presyo sa petrolyo ug mga nag-unang palitunon.
Nagpasidaan sab siya nga ang sobrang pagtutok sa politika mapasagdan na hinuon ang mga isyu sa ekonomiya, ilabi nga ang kabalaka sa pagsaka sa presyo sa bugas nga posible’ng moabot sa P64 matag kilo sa bulan sa Hulyo.
Gipasabot sa Senador nga ang tumong iyang resolusyon sa mao ang pag-review sa kakuwangan sa security protocols ug communication system human sa maong insedente, ingon man ang pagtino kon si kinsa ang angaya’ng manubag.
Sa laing bahin, human nga napili si Alan Peter Cayetano isip bag-ong Senate President samtang nipabor ang mayorya sa House of Representatives sa impeachment batok kang Bise Presidente Sara Duterte. / PR