Human sa duha ka semana, gilibkas sa Mandaue City ang ban sa electric bikes (e-bikes) nunot sa mga apelar sa mga drayber nga nagsalig niini alang sa panginabuhi apan ang mga opisyal mopatuman sa regulasyon imbes sa hingpit nga pagdili.
Si City Councilor Jimmy Lumapas, chairman sa Committee on Transportation, niingon nga ang desisyon niabot human ang e-bike drivers midangop sa buhatan sa mayor aron moapelar sanglit ang mga e-bike maoy nag-unang tinubdan sa kita.
Giklaro ni Lumapas nga imbes total ban, i-regulate na ang mga e-bikes.
Gipahibalo niya ang mga plano nga maghimo og usa ka ordinansa aron maporma kini nga mga regulasyon.
Ubos sa bag-ong mga lagda, ang mga e-bike tugotan lang sa designated roads sulod sa mga barangay apan hugot nga gidid-an sila sa paggamit sa mga highway ug dagkong dalan sa dakbayan. /CAV