Bana, biyuda naabtang ‘hubo’

San Fernando town, Cebu. (Google Maps)
San Fernando town, Cebu. (Google Maps)

Nagtingkagol sa bilanggoan sa kapulisan sa lungsod sa San Fernando, habagatang Sugbo, ang usa ka 38 anyos nga lalaki nga minyo ug ang 43 anyos nga biyuda human sila naabtan sa asawa ug kapulisan nga ang katunga sa lawas hubo niadtong Dominggo sa alas 10 sa gabii, Enero 28, 2024 sulod usa ka lodge sa Brgy. Pitalo, sa mao nga lungsod.

Ang duha pulos mga kawani sa usa ka local government unit (LGU).

Samtang ang asawa nga nireklamo sa kapulisan nag-edad og 38 anyos, usa ka maestra.

Nasayran sa Supebalita Cebu gikan sa kapulisan nga gisundan sa asawa ang iyang bana ug ang kabit nga nagkuyog.

Sa iyang pagsunod, iyang nakit-an ang duha nga ningsulod sa usa ka kwarto sa lodge.

Dali siya nga niadto sa San Fernando Police Station aron ipadakop ang iyang bana ug giingon nga kabit.

Gikuyogan ang asawa sa kapulisan sa San Fernando nga gipangulohan ni Police Capt. Ramuel Banogon, de­puty chief sa San Fernando Police Station, ubos sa kamandoan sa ilang hepe nga si Police Maj. Mark Anthony Villanueva.

Pag-abot sa mga polis, naatol nga ang usa ka staff nisukli sa bayad sa duha kay gusto nga mo-extend og usa ka oras.

Unang nibayad ang duha og tulo ka oras nga short time sa lawak.

Human ablihi sa bana ang kwarto aron kuhaon ang sukli, nagtapis lang kini og tualya.

Ang babaye nga nakakita sa asawa ug mga polis giingon nga nag underwear lang dihang nikaratil og dagan padulong sa sulod sa comfort room diin siya nitago.

Dali silang gipailis sa mga polis una gidala sa police station.

Nasayran sa Superbalita Cebu nga ang bana sa biyuda gipusil patay pipila ka mga tuig na ang nakalabay.

Ang duha mag-atubang og kaso nga kalapasan sa Article 334 sa Revised Penal Code kun concubinage.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph