Bana giaway sa misis; gamaoy, nakulatahan

NAKUYAPAN: Nawad-an sa panimuot si John (di tinuod nga ngan), 24, taga Brgy. Ermita, Dakbayan sa Sugbo human siya tabangi og bunal ug kulata sa mga batan-on nga lalaki pasado alas 4 sa kaadlawon sa Sabado, Hunyo 8, 2024 sa Dalan, Colon, Dakbayan sa Sugbo kay nagmaoy. Nangluod siya human awaya sa iyang asawa, nilakaw. Sa wala nga kilid ang mga suspek nga nasikop. / ARNOLD Y. BUSTAMANTE
NAKUYAPAN: Nawad-an sa panimuot si John (di tinuod nga ngan), 24, taga Brgy. Ermita, Dakbayan sa Sugbo human siya tabangi og bunal ug kulata sa mga batan-on nga lalaki pasado alas 4 sa kaadlawon sa Sabado, Hunyo 8, 2024 sa Dalan, Colon, Dakbayan sa Sugbo kay nagmaoy. Nangluod siya human awaya sa iyang asawa, nilakaw. Sa wala nga kilid ang mga suspek nga nasikop. / ARNOLD Y. BUSTAMANTE

Gitabangan og kulata ug gibunal-bunalan og botel­ya sa softdrink sa unom ka mga batan-on lalaki ang usa ka e-trike driver sa Dalan Colon, Dakbayan sa Sugbo pasado alas 4 sa Sabado sa kaadlawon, Hunyo 8, 2024.

Ang biktima nilakaw gikan sa ilang balay kay giingon nga nangluod sa iyang asawa human siya awaya niini.

Naatlan pa sa mga sakop sa City Mobile Force Company sa Cebu City Police Office nga nag beat patrol sa downtown area ang hitabo nga ginukdanay tali sa mga suspek ug biktima hinungdan nga nadakpan usab nila dayon ang mga nangulata.

Ang biktima nga nawad-an sa panimuot mao si Junmar Sere, 24, taga Brgy. Ermita, Dakbayan sa Sugbo, kinsa nakaangkon og samad sa ubos sa dunggan.

Matod sa gwardya sa usa ka dakong tindahan sa Colon nga gigukod sa unom ka mga ba­tan-on nga lalaki ang biktima.

Gihapak kini og botelya sa lawas ug ulo hinungdan nga nagpasad na ang mga boak sa botel­ya sa sidewalk sa Dalan Colon.

Sa tumang dagan sa biktima, nahagba siya kilid sa Metro Colon samtang ang mga suspek dali unta nga nanibat apan nadakpan sila sa mga polis.

Matod pa sa igsuon sa biktima nga nilakaw ang iyang igsuon sa ilang balay dala ang e-trike human ni mag-away sa iyang asawa.

Gituohan nga tungod sa away tali sa iyang asawa, nagmaoy kini sa imnanan nga maoy nakaingun nga nakasu­gat og kontra sa imnanan.

Nag-inom siya sa Dalan Colon ug mao nalang ang ilang nadungog sa balita nga gitaba­ngan kini og kulata.

Gidala ang biktima sa Cebu City Medical Center samtang ang unom ka suspek gidala sa Carbon Police Station.

Naulian ra si Sere sa pani­muot ug nakagawas na sa tambalanan.

Gibutyag ni Police Major Philip Libres, hepe sa Carbon Police Station, nga nagka settle na ang duha ka mga habig, dili na mopasaka og kaso ang biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph