Bana gipatay sa asawa

5 ka buwan nga puya patay sa aksidente
SunStar Local News

Niresulta sa duguong hitabo ang lalis sa magtiayon sa Purok 6, Barangay Tagansule, Malalag, Davao del Sur, Hunyo 11, 2024.

Sa wa masayri’ng hinungdan ug posibleng sa tumang kalagot nga gibati sa suspek nga si alyas Gene human gidapatan, iyang nadunggaban-patay ang iyang bana nga si Bernabe Tangug Cañedo, 48.

Subay sa report sa Malalag Municipal Police Station, nasayran nga nakadawat sila og tawag gikan sa usa ka polis sa Rehiyon 12 nga nakabase sa boarder control point sa Sitio Baluyan, Brgy. Bolton, Malalag, nga nagtaho nga dunay usa ka babaye nga nisurender kanila.

Daling girespundehan sa Malalag MPS ug nakita si alyas Gene.

Saysay sa suspek ngadto sa polis nga nag-away sila sa iyang bana, nga niresulta sa pagpangulata kaniya.

Wa kaantus ang ginang, hinungdan nga iyang gidunggab ang bana nga niresulta sa kamatayon.

Human sa hitabo, dali siyang nisibat apan tungod paghasol sa iyang konsensiya, nisurender siya sa polis.

Ang suspek naa na sa kustodiya sa Malalag Municipal Police Station samtang naghuwat sa kasong atubangon niini ngadto sa korte. / Superbalita Davao

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph