Bana nagselos, misaka sa lubi kay moambak unta

SunStar Local News
SunStar Local News

Naukay ang pipila ka mga lumolupyo sa Basak Pardo, Siyudad sa Sugbo alas 9:30 sa Huwebes sa gabii, Hunyo 6, 2024 sa dihang bana nga hubog nisaka sa lubi kay nagselos sa iyang asawa kay may ka chat sa cellphone.

Kini ang gibutyag ni Basak Pardo Brgy. Captain Dave Tumulak nga gikahinabi sa Superbalita Cebu niadtong Huwebes.

Matod pa ni Tumulak nga ang bana nga si Junjun (di tinuod nga ngan), 33, manimbangay og scrap iron samtang ang asawa nga si Elsa 45, naa ra sa balay.

Si Tumulak nagkanayon nga may pisi nga dala si Junjun nga gihikot sa punoan sa lubi ang pikas tumoy.

Samtang ang pikas tumoy gihikot sa iyang liog kay molayat unta siya aron mabitay sa lubi.

Maayo na lang gani kay naputol ang pisi sa iyang mga barangay tanod nga niresponde.

Mga 30 ka minutos ang negosasyon una pa nikanaug si Junjun. Matod ni Tumulak nga sa dihang si Junjun giingnan sa mga barangay tanod nga nagpadung na siya sa dapit, kini nahadlok ug nikanaug na sa lubi. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph