Bana namatay, asawa samdan sa aksidente

Bana namatay, asawa samdan sa aksidente
KANAL: Kini ang kanal sa national highway sa Brgy. Cogon West, lungsod sa Carmen, diin ang motrosiklo sa matiayon, alas 12:15 sa kaadlawon, Martes, Oktubre 29, 2024. TAMPO
Published on:Ā 

Patay ang bana nga drayber sa motorsiklo samtang grabi nga angol ang angkas nga asawa sa aksidente nga nahitabo sa national highway sa Brgy. Cogon West, lungsod sa Carmen, alas 12:15 sa kaadlawon, Martes, Oktubre 29, 2024.

Ang namatay giila nga si Ruel Perpetua Rosal, 43, minyo, ug taga Sityo Fatima, Barangay Cansaga, lungsod sa Consolacion samtang ang iyang angkas nga asawa mao si Margie N. Rosal, 44.

Sa follow up sa Superbalita Cebu sa Carmen Municipal Station, nahibaw-an sa pasiunang imbestigasyon pinaagi sa direktiba sa ilang hepe nga si P/Capt. Jessie TaƱola nga ang mga biktima patadlas padulong habagatan.

Gidudahan nga ang banang drayber nakatagpilaw hinungdan nga nilahos sa pikas lane ug nahagbong sa drainage daplin sa karsada.

Ang mga magtiayon nga nakabaton og samad ug bun-og sa nagkadaiyang bahin sa ilang lawas labina si Ruel nga adunay samad sa ulo ug walang dughan.

Dali silang gitabang sa mga sakop sa mga rescue team sa Carmen ug gidala padulong sa Cebu Provincial Hospital sa Siyudad sa Danao, Sugbo sakay sa ambulansya apan ang bana gideklarar nga dead on arrival (DOA). /DVG

Trending

No stories found.

Just in

No stories found.

Branded Content

No stories found.

Videos

No stories found.
SunStar Publishing Inc.
www.sunstar.com.ph