Duha ka mga dagkong Banakon napatay sa pipila ka mga lumolupyo sa Brgy. Linut-od, bukirang dapit sa lungsod sa Argao niadtong Lunes sa buntag, Marso 4, 2024.
Laing Banakon ang napatay sa silingang dapit sa Sityo Cabongbongan, Brgy. Cansuje.
Kini ang gibutyag ni Monic Marzon Albite nga gikahinabi sa Superbalita Cebu.
Matod niya, pasado alas 12:00 sa udto sa Miyerkules, Marso 6, 2024, nakurat sila nga dunay Banakon nga padong sa ilang balay nga naay mga bata sa sulod.
Sa dihang ilang namatikdan, nitago kini sa likod sa plywood gawas sa ilang balay.
Didto na gitabangan og bunal gamit ang kawayan ug giduslak ang ulo niini hinungdan nga wa na mahitsura. / DVG