Banakon, sawa gaaway, gipatay

HALAS: Ang dakong bana­kon (tuo) ug gamay nga sawa nag-a­way su’d sa usa ka payag sa Brgy. Lama­can, lungsod sa Sibonga, haba­ga­tang Sugbo ala 1 sa hapon, Huwebes, Nobiyembre 30, 2023. / gikan ni Lamacan Brgy. Konsehal Mila Antona
HALAS: Ang dakong bana­kon (tuo) ug gamay nga sawa nag-a­way su’d sa usa ka payag sa Brgy. Lama­can, lungsod sa Sibonga, haba­ga­tang Sugbo ala 1 sa hapon, Huwebes, Nobiyembre 30, 2023. / gikan ni Lamacan Brgy. Konsehal Mila Antona

Usa ka dakong banakon ug gamay nga sawa ang nag-a­way sa su’d sa usa ka payag sa Barangay Lamacan, lungsod sa Sibonga, ala 1 sa ha­pon sa Huwebes, Nobiyembre 30, 2023.

Apan ang duka ka halas gitigbas-patay sa tagbalay tungod sa ilang kahadlok sa kaagresibo niini.

Si Mila Antona, kinsa nahinabi sa Superbalita Cebu sa Biyernes, Disyembre 1, niasoy nga ang sawa gigukod sa banakon hangtod nga nisulod sa payag sa iyang ig-agaw nga si Gemma Carbone. Ang duha ka mga bitin dali’ng gitigbas sa bana sa naulahi nga si Arnie.

Matod pa, ang balay sa magtiayong Carbonel duol sa sapa ug mga kakahuyan nga posibling dunay nagpuyo nga daghang mga halas.

Kahinumduman, usa ka King Cobra kun Banakon nakit an sa bukirang bahin sa Barangay Guadalupe, siyudad sa Carcar nga nasikop sa usa ka lalaking nagtrabaho sa karsada sa usa ka sityo sa dapit sa miaging buwan.

Gi-turnover kini sa Department of Environment and Natural Resources (DENR) pinaagi sa kapulisan sa Carcar.

Apan usa ka batid sa mananap nga nahinabi sa Supebalita Cebu niingon nga ang Banakon nga di native sa Sugbo posible’ng gikan sa ubang lugar, sama sa Mindanao, nga nadala sa Sugbo human naapil sa mga kargamento.

Sama sa ubang halas, ang Banakon anha kasagaran magpuyo sa mga bugnaw nga lu­­gar nga mamamaak kon ma­tugaw sa ilang gipuy-an.

Sumala niya, dili kini angay patyon tu­ngod kay nagkawala na ang ilang po­pulasyon apan, da­ko ang ilang matampo sa pagmintinar sa ba­lanse nga eco-system.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph