Gipaneguro sa Orlando Magic nga magdugay sa ilang puwersa ang usa sa ilang mga pambato nga si Paolo Banchero pinaagi sa pagpapirma niini og lima ka mga tuig nga maximum rookie extension nga nagbalor og $239 million ning Martes, Hulyo 8, 2025 (PH time).
Puwede pa nga mosaka ang balor sa kontrata sa $287 million kon modaog si Banchero isip MVP o Defensive Player of the Year sa sunod season sa National Basketball Association (NBA) ug kon masulod siya sa All-NBA team.
Si Banchero, kinsa maoy No. 1 overall pick niadtong 2022, nag-average og 22.4 points, 7.1 rebounds ug 4.6 assists. / Gikan sa wires