Dunay misikat karon sa running scene sa Sugbo nga nakakuha sa admirasyon sa runners, kini ang iro nga gitawag og “Bandit” kinsa mi-viral online.
Si “Bandit” misabay sa runners sa 42-kilometer atol sa gipahigayon nga record-breaking 2025 Cebu Marathon diin kapin sa 12,000 ka runners gikan sa lain-laing dapit sa Pilipinas ug ubang nasod, ang misalmot.
Sa iyang pagkasikat, gisundan sa mga netizen ang update sa maong iro.
Di lang sa Cebu Marathon, miapil pud si Bandit sa Penitential Walk with Mary, nga lakip sa mga kalihokan sa tinuig nga Fiesta Señor.
Si Bandit gitabangan sa Department of Veterinary Medicine and Fisheries (DVMF) sa pagpangulo ni Dr. Alice Utlang. Gikapon ug gitambalan ang maong iro.
Gikalipay kini sa mga netizen, labi na sa running community.
Tungod niini, giatangan na si Bandit sa running community, labi na kon dunay ipahigayon nga fun run sa Dakbayan sa Sugbo. / RSC