Barangay konsehal nasikop sa tigbakayan

Tabogon, Cebu. (Google Maps)
Tabogon, Cebu. (Google Maps)

Barangay konsehal, uban sa iyang kabanay ug sili­ngan nadakpan sa sa kapulisan sa tigbakayan ala 1:05 sa hapon sa Dominggo, Pebrero 25, 2024 sa Purok Mandanao, Brgy. Maslog, lungsod sa Tabogon, amihanang Sugbo.

Ang suspek giila nga si Ruel Caballero Monterola, 48, minyo, konsehal sa Brgy. Maslog.

Samtang nasikop uban kaniya sila si Jenelle Felicano Monterola, 29, ulitawo taga Sitio Kamaisan, Brgy. Alang-alang, Tabogon; Jophel Montemor Monterola, 45; ug si Teofilo Evangello Ochea, 66, minyo, kanhi school bus driver.

Samtang ang wa madakpi apan nailhan sa kapulisan mao sila si Clyde Balunan; Aljun Balunan; Dodo Ginoo, taga Brgy. Daantabogon; Ronnie Hayag, taga Brgy. Maslog; Nido Hayag, taga Brgy. Alang-alang, ug Grige Hayag.

Si Police Captain Florencio Cabanlit, Jr., hepe sa Tabogon Police Station, maoy nangulo sa pagsikop sa brgy. konsehal ug mga kauban.

Ang Tabogon Police naka­dawat sa information gikan sa concerned citizen nga kusog kaayo ang tigbakay hapit kada Dominggo busa ila kining gires­pondihan.

Sa ilang pag-abot, ang mga sugarol nagkatibuwaag sa pagpanagan apan ilang nasignit ang konsehal ug mga kauban.

Si Ochea wa nakadagan kay nagsakit ang mga tuhod tu­ngod sa iyang gipamati nga arthritis.

Nasakmit sa kapulisan ang duha ka mga manok igtatari, duha ka mga buwang ug P300 nga gituohang pusta. /GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph