Barrita: Krisis sa transportasyon sa Sugbo?

Tikdul-Tikdol
Barrita Tikdul-Tikdol
Barrita Tikdul-Tikdol

Gipatuman sa gobyerno ang Public Utility Vehicle (PUV) Moder­nization Program nga naglakip sa mandatory consoli­dation policy. Si Transportation Undersecretary TJ Batan miingon nga ilhong colorum ang jeepney units sa operators ug mga drayber nga di motuman niini sa di pa ang deadline sa Disyembre 31, 2023.

Ubos sa mandatory consolidation, ang mga drayber kinahanglan nga maghugpong sa usa ka kooperatiba aron kahatagan sila og provisional authority sa ilang franchise. Ang maong kooperatiba maoy mahimong operator sa ilang gipadagan nga mga jeep depasaheroan.

Matod ni Batan, basta nakatuman sa consolidation ang mga operator ug mga drayber, ang ilang mga TPUJ nga “roadworthy” makapadayon sa pagdagan sa Enero 1, 2024 kay gihatagan sila og duha ngadto sa tulo ka tuig sa pag-modernize.

* * *

Apan usa ka pundok sa transportasyon sa Sugbo mipasidaan nga hayan mahitabo ang usa ka krisis sa transportasyon sa Sugbo kon di kanselahon o kaha i-oktaba ang mandatory consolidation kay makaapekto kini sa panginabuhi sa mga operator ug mga drayber.

Si Greg Perez, pangulo sa Pagkakaisa ng mga Samahan ng Tsuper at Opereytor Nationwide (Piston) Cebu, miingon nga ang operators ug mga drayber nga nagsalig sa traditional jeepneys sa ilang panginabuhi maoy magbaguod sa dugang galastohan sa modernisasyon.

Ilang gusto ang inanay nga pagpatuman sa modernization program aron way mga operator ug mga drayber nga mahibilin. Mipa­sidaan si Perez sa mas grabe nga mga welga sa transportasyon kon di manalinghog ang kagamhanan sa ilang panawagan nga kanselahon o kaha iuswag ang deadline.

* * *

Samtang, si Batan miingon nga maoy baruganan ni Presidente Ferdinand “Bongbong” Mar­cos Jr. nga di na iuswag pa ang deadline sa tapos tuig. Wa nay purohan nga mag-oktaba ang deadline. Di na mahimong la­­nga­yon pa ang maong programa.

Matod niya, kadtong di ma­katuman sa consolidation sa Disyem­bre 31, 2023, wa na silay franchise, busa colorum na ang ilang units. Miingon si Batan nga gi-simplify sa Land Transportation Franchising and Regulatory Board ang mga rekisito aron makaabot sila sa deadline.

Ang mga rekisito naglakip sa Offi­cial Receipt ug Certificate of Registration (OR/CR) sa sakyanan ug sa petisyon. Ang minimum nga sakop sa ko­operatiba giminusan gikan sa 15 ngadto sa 10. Magpadayon ang ilang mga rota. Maka­dagan gi­hapon ang TPUJ units nga roadworthy apan ubos sa consolidated operator sa Enero 1.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph