Barrita: Pagdagsa sa mga isda sa Ginatilan

Tikdul-Tikdol
Barrita
Barrita

Dihay lima ka managkumare nga namingwit sa adlaw nga Dominggo. Ilang nabantayan nga usa nila ka kumare sigi lang nga makakubit og isda. Dagko pa gyud kaayo.

Busa ilang gipangutana kon unsa ang iyang sekreto. Ang ilang kumare miingon nga sa di pa siya mamingwit, tan-awon niya ang kinatawo sa iyang bana kon asa padung.

Kon adto sa wala, sa wala sa sakayan niya ihug ang pingwit. Kon padung sa tuo, adto niya sa tuo sa sakayan ihug ang pingwit.

Ingon ang usa ka kumare, “Unya kon padung sa taas?” Ingon ang kumare nga daghan og kuha, “Wa ka mabuang, kon padung sa taas, mamingwit pa kaha ko.”

Dugay nang nireklamo ang mga mangingisda nga nagkanihit karon ang ilang makuha nga isda sa kadagatan.

Sa una, ang mga mangingisda nga magpalawod, magdala lang og kan-on kay ang isda nga ilang makuha maoy ilang tuwahon. Karon, migawas ang pasiaw nga ang mga mangingisda nga way segurong makakuha, magbawon na og sardinas.

○ ○ ○

Apan lahi ang nahitabo sa lungsod sa Ginatilan sa habagatang kaasadpan nga bahin sa lalawigan sa Sugbo. Niadtong Pebrero 11 ug 14, midagsa ang isda nga tuloy sa Poblacion sa maong lungsod. Igo na lang gikawos sa mga tawo sa balde ang maong mga isda.

Apan sa Pebrero 15 sa gabii, diin duna nay mga tawo gikan sa bukid ang nanag-atang, wa na mahibalik ang mga isda. Nagdala na ra ba unta og mga balde ang mga tawo.

Kining talagsaong hitabo gibutyag ni Floramie Dacillo nga gikahinabi sa Superbalita Cebu. Usa ka video sa pagdagsa sa mga tuloy nga isda nag-trending sa social media. Nagkapuliki ang mga lumolupyo sa pagpamunit sa mga isda nga ilang gipangsulod sa mga balde.

○ ○ ○

Si Dacillo niingon nga nag­sugod ang pagdagsa sa mga isdang tuloy sa baybayon sa Poblacion sa Ginatilan sa Pebrero 11 sa gabii ug nausban alas 6 sa gabii Pebrero 14, 2024.

Matod ni Dacillo nga nibati sila og kahadlok kon nganong nidagsa ang maong mga isda.

Apan ang tigpamaba sa Bureau of Fisheries and Aquatic Resources (BFAR 7) nga si Johann Tejada miingong nga di kini angay kahadlukan kay di kini tilimad-on sa usa ka ka­talagman.

Nahitabo kini tungod kay nanaghan na ang mga isda sa Tañon Straight nga nag-uwang sa mga isla sa Negros ug Sugbo tungod kay ang mao nga bahin sa kadagatan protected na. Gidili ang commercial fishing sa maong ka­dagatan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph