Bata nakuryentihan tungod sa tabanog

Usa ka 13 anyos nga lalaki nakuryentihan dihang nasangit sa live wire ang iyang kuhit sa tabanog nga nasab­lay sa linya sa kur­yente alas 11:45 sa hapon, Miyerkules, Abril 25, 2024, sa Sityo, Upper, Matumbo, Barangay Pu­sok, siyudad sa Lapu-Lapu.

Kini ang gibutyag ni P/Master Sgt. Jerry Ares, investigator on case sa Lapu-Lapu City Police (LCPO) Station 5 nga gikahinabi sa Superbalita Cebu.

Si Ares wala nibutyag sa ngan sa bata, nisaysay nga ang biktima nisaka sa atop sa balay sa ilang silingan dala ang usa ka metal nga kuhit nga iyang gigamit sa pagkuhit sa tabanog nga nasangit sa linya sa kuryente.

Apan ang kuhit naigo sa pas­lot nga linya sa kuryente mao nga nakuryentihan ang bata.

Siya giluwas gikan sa iba­baw sa atop sa mga rescuer sa dakbayan ug gidala sa Vicente Sotto Memorial Medical Center (VSMMC). / DVG