NAKABSAN sa iyang kinabuhi ang 7-anyos nga batang lalaki human nalumos sa lungag nga may tubig alas 5:00 sa hapon sa Martes Hulyo 1, 2025, sa Barangay Maloray, Lungsod sa Dalaguete.
Si Alexis Merenillo Eladio, tinun-an sa grade 2 sa Maloray Elementary School, dead on arrival (DOA) sa tambalanan sa Lungsod sa Argao.
Si Lt. Col. Alejandro Batobalonos, hepe sa Dalaguete Police Station nga nahinabi sa Sunstar Superbalita Cebu niingon nga padulong mopauli ang bata gikan sa eskwelahan apan aksidenting nahulog sa excavation site sa taytayan sa dapit.
Dunay tubig nga napundo ang kinawtan nga may gilawmon nga 5 feet nga wala makit-i sa bata.
Nahaw-as na kini sa usa ka construction worker nga nagtrabaho sa dapit. / GPL