Mga duwa karon:
5:00 pm- Terrafirma
batok TNT
7:30 pm- NorthPort
batok Meralco
Makigsangka ang Meralco Bolts sa NorthPort Batang Pier sa main game karong Biyernes, Mayo 9, 2025, sa Philippine Basketball Association (PBA) Season 49 Philippine Cup sa Philsports Arena sa Pasig City.
Ang duha ka mga kampo pulos nagtinguha nga makabawi sa dili maayo nilang performance ning puntoha sa komperensiya.
Human nila gipanglampornas ang Terrafirma Dyip, 95-75, sa premiro nilang tahas, ang Batang Pier nasugamak sa dagkong kapildihan sa nagsunod nilang tulo ka mga duwa batok sa Rain or Shine Elasto Painters, 96-113, Blackwater Bossing, 98-120, ug Barangay Ginebra Gin Kings, 106-131.
Kini gumikan kay wala ang labing sinaligan sa Batang Pier nga si Arvin Tolentino kinsa adunay angol (right hip flexor).
Kamay-ong niini ang nasinati sa Bolts.
Human sila nidaog sa nag-una nilang duha ka mga duwa batok sa Converge FiberXers, 91-89, ug Dyip, 118-80, ang Bolts napilde sab sa nagsunod nilang tulo ka mga tahas batok sa San Miguel Beermen, 98-110, Phoenix Super LPG Fuel Masters, 97-109, ug Rain or Shine, 116-128.
Sa laing bahin, ang Grandslam-seeking TNT Tropang 5G mosuway pagposte sa ikaduha nilang sunodsunod nga daog sulod sa lima ka mga duwa sa ilang pagpakigsangka sa Terrafirma Dyip sa premirong duwa. Ang Tropang 5G adunay 1-3 nga rekord samtang ang Dyip nagdala og 1-4 nga rekord. / ESL
Team W L
Magnolia 5 0
NLEX 4 1
Converge 4 2
San Miguel 3 2
Rain or Shine 3 2
Ginebra 2 2
Phoenix 2 3
Meralco 2 3
NorthPort 1 3
TNT 1 3
Blackwater 1 4
Terrafirma 1 4