Nahimong mabulukon ug nalingaw ang mga residente sa Baybay City sa ilang pagsaulog sa ika-17 nga Charter Day sa dakbayan pinaagi sa Bubble Fun Run ug Zumba Dance event niadtong Hunyo 15, 2024.
Tuyo ug tumong sa kalihukan mao ang pag-promote sa ka himsog sa panglawas, aktibo nga lifestyle, ug panaghiusa sa komunidad.
Nagsugod ang fun run sa bag-ong Baybay City Hall ug nahuman sa Baybay City Plaza Boardwalk.
Kini gitambungan sa lokal nga opisyales, empleyado, mga estudyante ug residente sa dakbayan.
Nahimo kining posible tungod sa hiniusang paningkamot ni Baybay City Mayor Jose Carlos L Cari, mga miyembro sa Sangguniang Panlungsod, ug mga empleyado sa LGU.
Tipik lang kini sa daghang mga kalihukan sa kasaulogan sa Baybay City Charter Day. / Jesson J. Morata