Sa pagbalhin ni superstar Kevin Durant sa lain nga team, ang beteranong guard nga si Bradley Beal nipadayag nga gusto niyang magpabilin gihapon sa Phoenix Suns.
Matod sa taho ni Fred Katz sa The Athletic nga si Beal magpabilin sa Suns apan abli kini sa posibilidad nga i-trade sa contender nga teams.
Si Beal nakuha isip No.3 overall pick sa 2012 NBA Draft sa Washington Wizards, diin niduwa siya og 11 seasons, didto niya nakuha ang tulo ka All-Star selections.
Nabalhin si Beal sa Phoenix sa 2023-24 season, giporma nila ang trio kauban si Durant ug Devin Booker nga gilauman motabang sa paglangkat sa unang titulo sa franchise.
Apan tungod sa injuries nalimitahan si Beal og average nga 53 games sa milabay nga duha ka seasons. / RSC