Gipakamang sa San Miguel Beermen ang ilang sister team Barangay Ginebra Gin Kings, 106-96, sa Game Two sa Philippine Basketball Association (PBA) 48th Season Commissioner’s Cup semifinals sa Mall of Asia Arena, Biyernes sa gabii.
Ang Beermen nikuha sa 2-0 nga labaw sa ilang best-of-five series ug nagkaduol na sa pultahan sa championship round.
Nindot nga nakaduwa ang Sugbuanong bigman nga si June Mar Fajardo sa iyang 17 puntos, 14 ka rebounds ug career-high unom ka blocks para sa San Miguel.
Ang Game 3 duwaon alas 6:30 karong gabii sa Mall of Asia Arena, diin suwayan sa Beermen nga tapuson na ang series.