Beermen, 3-0

Beermen, 3-0
Basketball (File Photo)

Ningsulbong sa solong liderato ang San Miguel Beermen human nila gipanghubog ang Phoenix Super LPG Fuel Masters, 116-102, ning Dominggo, Marso 31, 2024, atol sa pagbalik sa aksyon sa Philippine Basketball Association (PBA) Season 48 Philippine Cup gikan sa All-Star break ug Semana Santa.

Ang Beermen naggunit na og 3-0 nga rekord samtang ang Fuel Masters nahagbong sa 1-4 nga rekord.

Nagbangis og maayo si CJ Perez ug gipangulohan niya ang kadagan pinaagi sa iyang 32 puntos.

Wala ra naglagyo ang duha ka mga kampo sa nag-unang duha ka quarters apan pagsugod sa 3rd quarter, hinayhinay na nga ningbiya ang Beermen sa pagpangulo nila ni Perez, Terrence Romeo, Jericho Cruz, ug JuneMar Fajardo.

Pagsugod sa 4th quarter, naglabaw na og dobleng numero nga puntos ang Beermen ug ilaha kining naprotektahan hangtod na sa katapusang gutlo.

Nidugang og 17 puntos si Cruz, niamot og 16 puntos si Romeo samtang nitunol og 13 puntos si Fajardo alang sa Beermen.

Puntos matag usa:

San Miguel (116) - Perez 32, Cruz 17, Romeo 16, Fajardo 13, Trollano 10, Tautuaa 8, Brondial 6, Lassiter 6, Manuel 4, Enciso 3, Teng 1.

Phoenix (102) - Alejandro 13, Daves 13, Mocon 12, Perkins 11, Salado 10, Tufin 9, Muyang 6, Jazul 5, Verano 5, Manganti 4, Lalata 2, Camacho 2. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph