Mga duwa karon:
5:00 pm- Magnolia batok Converge
7:30 pm- San Miguel batok Meralco
Magsul-ob og kinaraan nga jerseys ang San Miguel Beermen ug defending champions Meralco Bolts sa ilang engkuwentro sa main game karong Miyerkules sa gabii, Abril 9, 2025, sa Philippine Basketball Association (PBA) Season 49 Philippine Cup sa Rizal Memorial Coliseum.
Nagsilbe kining tipik sa kasaulogan sa ika-50 ka mga tuig nga anibersaryo sa labing unang professional nga liga sa Asia.
Ang engkuwentro nagsilbe sab nga rematch sa duha ka mga kampo nga mao ang nagtigi sa Philippine Cup finals sa niaging tuig,
“We’re excited, we’re honored that we’re playing San Miguel as part of our 50th year,” matod ni Meralco coach Luigi Trillo nga napatik sa www.pba.ph.
Nagtuo si Trillo nga mamungot ang Beermen ning higayuna ug mao kini ang ilang gipangandaman.
“We have rich traditions from our ball clubs and when we play with each other there’s a high respect for each other. After the last All-Filipino, we know they’re (SMB) going to come back,” dugang ni Trillo.
Sa iyang, si San Miguel coach Leo Austria nihangop ning sangkaa nga usa ka pretihiyuso gumikan kay mao kini ang motatak nga kombati sa golden anniversary sa liga.
“This is a very prestigious game, and it’s an opportunity for us as we’re up against the team that beat us in the last All-Filipino Finals),” asoy ni Austria.
Sa kasamtangan, ang Bolts maoy nagpatong sa sayong liderato dala ang 2-0 nga rekord samtang ang Beermen adunay 1-0 nga baraha.
Sa premirong duwa, magpinaksitay ang Magnolia Chicken Timplados Hotshots ug Converge FiberXers.
Ang Hotshots adunay 1-0 nga rekord samtang ang FiberXers naggunit og 1-1 nga baraha.
“It’s a big test for us,” matod ni Magnolia coach Chito Victolero kabahin sa ilang pagpakigsangka sa nagkalig-ong puwersa sa FiberXers.
“This early in the conference makakalaban namin sila, maganda na rin iyon kasi we want to see din kung ano pa ‘yung kailangan naming i-improve, ano pa ‘yung kailangan naming gawin through this challenge.”
Mao sab kini ang pagtuo ni Converge interim head coach Franco Atienza. / ESL